Нууцлалын бодлого

Нууцлалын бодлого (Setsuka.mn)

1. Ерөнхий мэдээлэл

Энэхүү Нууцлалын бодлого (цаашид “Бодлого” гэх) нь хэрэглэгч Setsuka.mn (цаашид “Сайт/Платформ” гэх)-ийг ашиглах үед таны хувийн мэдээллийг хэрхэн цуглуулах, ашиглах, хадгалах, хамгаалах болон хуваалцах талаар тайлбарлана.

Платформыг ашигласнаар та энэхүү Бодлоготой танилцаж, зөвшөөрсөнд тооцогдоно.

2. Цуглуулах мэдээллийн төрөл

Setsuka.mn нь дараах төрлийн мэдээллийг цуглуулж болно:

2.1 Хэрэглэгчээс шууд өгсөн мэдээлэл

• • Нэр, овог
  • Утасны дугаар, имэйл
  • Хүргэлтийн хаяг
  • Нэвтрэх мэдээлэл (account)
  • Захиалга, хүсэлт, санал хүсэлттэй холбоотой мэдээлэл

2.2 Автомат байдлаар цуглуулах мэдээлэл

• • Төхөөрөмжийн мэдээлэл (төрөл, OS, browser)
  • IP хаяг, байршлын ойролцоо мэдээлэл
  • Cookies / tracking өгөгдөл
  • Сайтад хийсэн үйлдлийн түүх (үзсэн бараа, сагс, хайлт гэх мэт)

2.3 Төлбөрийн мэдээлэл

Онлайн төлбөрийн үед картын мэдээлэл нь ихэнх тохиолдолд төлбөрийн үйлчилгээ үзүүлэгч байгууллагаар дамжин боловсруулагдана. Setsuka.mn нь шаардлагатай тохиолдолд төлбөрийн төлөв, гүйлгээний дугаар зэрэг үйлчилгээ үзүүлэхэд хэрэгтэй мэдээллийг хадгалж болно.

3. Мэдээллийг ашиглах зорилго

• Цуглуулсан мэдээллийг бид дараах зорилгоор ашиглана:
• Захиалга хүлээн авах, баталгаажуулах, хүргэх
• Хэрэглэгчтэй холбоо барих, үйлчилгээний мэдэгдэл илгээх
• Буцаалт, солилт, баталгаат/засвар үйлчилгээний процесс
• Хэрэглэгчийн эрх, аюулгүй байдлыг хамгаалах, залилангаас сэргийлэх
• Сайтын ажиллагаа, UX, бүтээгдэхүүн үйлчилгээг сайжруулах
• Хууль, зохицуулалтын шаардлагыг биелүүлэх

4. Мэдээлэл хуваалцах нөхцөл

Setsuka.mn нь хэрэглэгчийн мэдээллийг зөвшөөрөлгүйгээр гуравдагч этгээдэд худалдахгүй, шилжүүлэхгүй.

Гэхдээ дараах тохиолдолд мэдээлэл хуваалцаж болно:

• Хүргэлтийн түнш/курьер: захиалга хүргэх зорилгоор (нэр, утас, хаяг)
• Төлбөрийн үйлчилгээ үзүүлэгч: төлбөр гүйцэтгэхтэй холбоотой мэдээлэл
• Техникийн үйлчилгээ үзүүлэгч: сервер, аналитик, мессеж илгээх үйлчилгээ зэрэг
• Хуулиар шаардсан тохиолдолд: эрх бүхий байгууллагын албан шаардлага

5. Мэдээллийн хадгалалт ба хамгаалалт

Setsuka.mn нь мэдээллийг хамгаалахын тулд техникийн болон зохион байгуулалтын арга хэмжээг авна (хандалтын хяналт, лог бүртгэл, шифрлэлтийн зохистой арга, эрхийн түвшин гэх мэт).

Мэдээллийг үйлчилгээ үзүүлэх зорилгод шаардлагатай хугацаанд, эсвэл хуульд заасан хугацаанд хадгална.

6. Хэрэглэгчийн хувийн халдашгүй байх эрхийн хамгаалалт

6.1 Хэрэглэгч дараах эрхийг эдэлнэ

• • Өөрийн мэдээллийг харах / засах
  • Зарим төрлийн мэдээлэлд устгал хүсэх
  • Маркетингийн мэдэгдлээс татгалзах
  • Өөрийн бүртгэлтэй холбоотой асуулт, гомдол гаргах

6.2 Хэрэглэгчийн мэдээлэл устгах

Хэрэглэгчийн дээрх цуцлах хүсэлтийг ажлын 3-5 хоногийн дотор судалж, “Setsuka.mn”-оос бүртгэлийг, өөрийн мэдээллийг устгуулах хүсэлтийг нэмж гаргасан бол холбогдох мэдээллийг устгаад хариу мэдэгдэнэ. Улмаар “Setsuka.mn” Таны мэдээллийг дахин цуглуулахгүй, боловсруулахгүй, ашиглахгүй болно.   

7. Cookies (Күүки) ашиглалт

Setsuka.mn нь хэрэглэгчийн туршлагыг сайжруулах, статистик шинжилгээ хийх, сагс/нэвтрэлтийн төлөв хадгалах зорилгоор cookies ашиглаж болно. Та browser-ийн тохиргоогоор cookies-ийг унтрааж болно (зарим функц ажиллахгүй байж болно).

8. Гуравдагч талын холбоос

Сайт нь гуравдагч талын веб/сервис рүү холбоос агуулж болзошгүй. Тэдгээрийн нууцлалын бодлогод Setsuka.mn хариуцахгүй.

9. Нууцлалын бодлогын шинэчлэлт

Setsuka.mn нь энэхүү Бодлогод өөрчлөлт оруулах эрхтэй. Шинэчилсэн хувилбарыг сайт дээр нийтэлсэн мөчөөс хүчин төгөлдөр мөрдөнө.

10. Холбоо барих

Нууцлалын бодлоготой холбоотой асуулт, хүсэлтээ доорх сувгаар илгээнэ үү:

Имэйл: procure@gsp.mn

Утас: 7272-0000

Хаяг: Чингэлтэй дүүрэг 3-р хороо Их дэлгүүрийн баруун талд SETSUKA SHOP